Gardstun i Fjord Norge tilbyr rein og sunn mat basert på næringsrike råvarer som frukt, bær og grønsaker dyrka langs fjordane og på dyr som går ute på beite heile sommaren. Der finst eit rikt tilbod av ferskvarer, tradisjonelle rettar og vidareutvikla produkt som kan opplevast på lokale serveringsstader, kjøpast på gardstun eller i eigne utsal og butikkar. Av varer finn ein heimebakst, økologisk saft og sylte, ost, speka kjøt mm.

I Fjord Norge kjem ein tett på naturen uansett kor ein ferdast. Fjordar og fjell, isbrear, fossar, elvar, øyar og hav gir flotte utgangspunkt for rike naturopplevingar. For den aktive kan kajakk, riding eller fjellturar vere å foretrekke. For andre kan ein roleg båttur på fjorden, fiske eller historievandring vere passande. Der er eit stort mangfald i tilbodet, eit mangfald som avspelar variasjonen i natur, levesett og tradisjonar.